القصيدة اصل هذيل للشاعر محمد القصيدة اصل هذيل للشاعر محمد بن علي هلال الحتيرشي  بن علي هلال الحتيرشي

القصيدة للشاعر محمد بن علي هلال الحتيرشي

 

    سميت بسم الله رب البرايا               

           الواحد العالي جزيل العطايا

   عساه يغفر لي جميع الخطايا            

           ويقابل ذنوبي بعفو وغفران

   اللي خلق آدم من الماء والطين          

          وجاب من نسله ألوف الملايين

   منهم فقير ومنهم اللي سلاطين          

         ومنهم عجم سود وبيض وعربان

  سبحان جاعلهم شهوب وقبايل          

       وخص العرب منهم بطيب الفضائل

فاقت مضر منهم قريش الأصايل        

      وقريش سادت بالنبي سيد الأكوان

ومن مضر ربعي هذيل الأصيلـة          

              أهل العلوم الطيبة والجميلة

اهل الكرم والجود نعم القبيلة            

          تاريخهم معروف من قدم الأزمان

مع النبي يردون في الجد واحد           

        في مدركة بن الياس والله شاهد

ابن مضر نسل الجدود الأماجد             

              ابن نزار ابن معد ابن عدنان

اهل الفصاحه من قديم الزماني              

             واهل الشعر قدام قاصي وداني

اشعارهم فيها جزيل المعاني               

             والهم من اشعار القديمين ديوان

ديوان شعر وجا منظم بترتيب             

               يجمع قصائد مثل در بلا ريب

كان الامام الشافعي يحفظه غيب        

         يحوي من انواع الشعر كل الالوان

من روس خندف مزبن لكل مضهود       

           يوم القبايل بين شاهد ومشهود

ما بينهم ثار ونــــار وبــــــــارود             

            حمدت من أنعم بتامين الأوطان

هذا نسبنا في التواريخ منقوش           

     مثل الذهب بالعون ماهو بمغشوش

صافي نقي زاكي وبالطيب مرشوش         

           جيل بعد جيل مثبَّت ببرهان

هذا نسب ربعي وهذا حسبها              

            وكل القبايل عارفين بنسبها

أنعم وأكرم بالعرب من يعبها                

      ان كان عدناني ولن كان قحطان

ابلادهم مكة وما جاورتها                 

         من الجبال النايفه واوديتها

تاخذ من اجبال الشفا وما حوتها         

      ما سال منها من سهول وشعبان

وما حول مكه من حرمها المحرم            

          مثل السوار الذي حول معصم

وقريش والأشراف معنالهم قسم            

            حنا وهم دايم عوانٍ وجيران

اديارنا هذي هي الاولية                   

       في مدة الاسلام والجاهلية

ما حول مكة من ديار اهذلية            

            اطرافها راحت شوارع وعمران

يحدنا من الشام حرب وعتيبة          

        ومن شرقنا تاتي ثقيف النسيبة

والجحدلي منا دياره قريبة             

           من اليمن حده وفي الحد فهمان

وهذيل حسب ادياره اليوم قسمين   

      اهذيل اليمن اجنوب مكة مقيمين

والا هذيل الشام اللي شمالين       

     لكن في الصايح ترا الاسم هذلان

اما هذيل الشام هم ( بني ) وفليت   

     ني ) بني مسعود ان كان عديت

ثم العميري والمحياني اثنيت      

       (نباته) ومنهم نباته في رهجان

وفليت يتبعها فروع كثيرة          

       منهم بني لحيان اللي شهيره

والمطرفي منهم وربعه وفيره       

      منهم هذيل الطير في نجد سكان

اما السعيدي والعقيلي والعريبين    

   معطاني ثم سويهري والضمايين

ثم الشفيعي من فليت النسيبين    

     لكن يجمعهم ليا قيل (صلمان )

حتارشة ربعي وعزي وقومي       

    منهم كما قالوا هذيل البقوم

ومنهم ال حمود اهل القصيمي    

      ي هذيل الشام من غير نقصان

أما هذيل أهل اليمن هم قسمين             

         المسوده وازهير وهم الكثيرين

وزهير منهم دعد والنداويين             

             حساني والسراونه أهل نعمان

والمسوده قسمين منهم جميلي

                                 ثم آل صالح الطلوح أبد ليلي                                                       

من آل صالح خالدي والبقيلي             

           طلحي ومناعي وهم أهل شِفيان

أما جميل تعود افروع وابدود     

        الجابري والقارحي وآل محمود

والكعبي والياسي عريبين الجدود      

                          ثم السوالم وآل زيد إلهم اخوان

ثم العبيدي ثم عد الشعابين               

              وأصاهله اللي عددهم قليلين

واذكر زليفه أهل الشا الاصليين           

                    ثم الرياشي ربعنا دون نكران

ومن أهل كبكب فهم في اللوازم                   

               فضلي ومناعي ليا جا أمر حازم

إجليجلي والمشعلي والحوازم                 

                    ثم آل جابر وآل حسن صم سِبعان

هذي قصيده جات مني هدية        

                هدية مامن وراها جزية

تجمع نسب ربعي هذيل السمية              

                    والعفو من تقصير مني ونكران

قصيدة لاشك مثل الوثيقه            

                 لكل منهو من هذيل العريقه

يعرف نسب ربعه ويدري بالحقيقة         

                      تمت بحمد الله جواهر ومرجان

واختمها صلو بلا عد واحساب             

                    من بعد طاب الختم والابتدا طاب

على النبي والآل جمعا والأصحاب     

                          محمد المبعوث للإنس والجــــــــان